---വഴികൾ---

നേരെ നടക്കുക ..തിരിഞ്ഞു നോക്കരുത് ...
സംസാരിക്കുന്ന വഴികളാണ് മുന്നിൽ..
ശ്രദ്ധിച്ചു കേൾക്കുക, ആരോ എന്തോ പറയുന്നുണ്ട് ...
ഓരോ ചെറിയ കാറ്റിലും ഒരായിരം നാവുകൾ
അലറിക്കരയുന്നുണ്ട്..
ഓരോ വളവിലും വഴി പിഴച്ചതിന്റെ
ചുവപ്പുണ്ട്..
നാലും കൂടിയ വഴികളിൽ ചതിയുടെ
കറുപ്പുണ്ട്‌ ...
തണൽ മരങ്ങളുടെ ചോട്ടിൽ
അമ്മയുടെ ചൂടുണ്ട് ..
കറുത്തും വെളുത്തും
ഇരുണ്ടും തെളിഞ്ഞും
വഴികൾ ഇനിയും ബാക്കിയാണ് ..
നേരെ നടക്കുക ,
നിനക്ക് വിശ്രമിക്കാൻ അർഹത പോര , കുഞ്ഞേ ..