---കൂട്---

ഒരു രാത്രി കൂടി തരികെനിക്ക് -
നിന്‍റെ നോവിന്‍റെ ചില്ലയില്‍

ഒരിക്കല്‍ കൂടി
എനിക്കെന്‍റെ ഹൃദയം
കൊരുത്തിടാന്‍...................... ...

മരണം
-----------
അവസാനത്തെ കരുവിന്‍റെ
സംരക്ഷണവും അവസാനിച്ചു ,
പ്രിയപ്പെട്ട രാജാവേ!
ഇനി കീഴടങ്ങുക ...

-----ലിപി -----

"തലയിലെഴുത്തിന്റെ ലിപി  എന്താണു മാഷേ ?"
ക്ലാസ്സ്മുറിയിൽ  പണ്ടൊരു ശിഷ്യൻ
എന്നെ  ഇരുത്തിയ  ചോദ്യം ......
കഷണ്ടി  കരണ്ടു  തീർത്ത  തലയിൽ
എത്ര  അമർത്തി  തടവി  നോക്കീട്ടും
ഇന്നോളം  ഞാൻ  പഠിക്കാത്ത ലിപിയത് ...
കുഞ്ഞേ , നിന്റെ  ചോദ്യത്തിന്റെത്  ഉത്തരമില്ലാത്ത  ഭാഷയാണല്ലോ !!!

---കാന്താരി---
നീ തന്ന കണ്ണീരോളം
ആസ്വദിച്ചിട്ടില്ല
ഞാൻ പിന്നിന്നോളം
വേറൊരു രുചിയും .!!!

ഒറ്റവരിക്കവിതയുടെ സെമിത്തേരിയിൽ
ഒരു ശവമടക്കം കഴിഞ്ഞു മടങ്ങുമ്പോൾ
കളഞ്ഞു  കിട്ടിയതാണ്  ആരോ മറവു ചെയ്യാൻ  മറന്ന
ഈ  നാലുവരിക്കവിത ........

.

നീയും ഞാനും

മറവിയാണെഴുത്തോല
കാലം എഴുതുന്തോറും
മാഞ്ഞു പോവുന്ന നേരിന്‍റെ
ക്ഷണികാക്ഷരികള്‍ നീയും ഞാനും ...
പകര്‍ത്തി വരയ്ക്കട്ടെ ഇനി ഞാന്‍
നോവിന്‍റെ കൈപ്പടം പതിഞ്ഞോരീ
പഴയ നേര്‍രേഖകള്‍....................