ചുവന്ന തെരു

കെട്ടഴിച്ചത് പാവാട ചരടിന്‍റെയല്ല 
ഒരു കെട്ട് പൊതി ചോറിന്റെയാണ്
അപ്പോള്‍ വിശപ്പിനും ചുവപ്പിനും 
കറുപ്പെന്ന ഒരേ നിറം

നീ

നിറയെ മഷിയുള്ള
പേന കൊണ്ടെഴുതീട്ടും 
ഇന്നോളം തെളിയാത്ത 

വാക്കാണ്‌ നീ     

ക്ഷമ

രണ്ടക്ഷരം കൊണ്ട് നിന്‍റെ
കറകള്‍ മാഞ്ഞു പോവുമെങ്കില്‍ 
തിരിച്ചു തരേണ്ട -
നീ എടുത്തു കൊള്ളുക മുഴുവനായും    

ആഗോളം

 യുദ്ധവും സമാധാനവും 
പിറന്ന വന്‍നഗരം 
ഇവിടെയാണ്‌ -
ചെവിയ്ക്കും ചുണ്ടിനും ഇടയില്‍